Ki deffaiz ert et ënveilliz;
Malades jut mult lungement
Del’relever ni ot noient.
Tutes les Bestes s’assanblèrent,
Pur li véoir à Curt alèrent.
Li plusur sunt pur lui dolant
E à aucuns n’en chaut noiant,
E tiex jà i vunt pur dun
A la devise dou Lïun.
E saveir voelcnt li phisur
S’en lui a maiz point de retur:
Li Tors de ses cornes le bute,
E li Asnes qui
pas nel’ dute
De sun pié le fiert seur le pis;
D’altre part i vint li Golpis,
As dens le mort par les oroilles.
Dist li Léons , or voi mervoilles,
Bien me suvient k’en mun aé
Qant
junes fu et en santé,
Que tutes Bestes me dutoient
E cume Seignur m’aoroient;
Qant ère iriez mult se cremeient
Seur tute rien trop me duteient
0r me veient mult affébloié,
Mult defulei
et avillié,
Mult me semble gregnur vilté
De cex ki furent mi privé,
A ki jeo fiz honur è bien.
Ki ne membre de nulle rien
Que des autres ki ge méfis.
Li nun-poissanz a po d’amis.
Par méismes ceste resun
Prenuns essanple dou Liun;
Quicunques chiet en nun poeir
S’il pert se force et sun aveir
Mult le tiennent à grant vilté
Neis li plusur qui l’unt amé.
