Je doy moy mesme et ma vie à mes yeux, Pour l'heur d'avoir vostre grand'beauté veue; Mais Amour sait qu'encores dois je mieux Aux grands vertus dont vous estes pourveue, Qui font mon cœur si content, que la veue Mesme et la vie au prix est moins que rien; Car honneur est l'entier et le vray bien, Qui seul peut faire heureux après la vie; Et immortels par honneste lien, Vous qui l'avez, moy qui vous ay servie.
|
Mellin de Saint-Gelais
Poèmes de Mellin de Saint-Gelais |